ولا الكلاب - إكرامي قورة

فيه ناس
تتمنى تعيش ولا نص العيشة اللى عايشها في الدنيا كلاب
فيه ناس منداسة ومحنية
مرقوعة ميتين قبقاب
اتخنقوا فول أو طعمية
وكلاب بتلُغ كباب
عايشين على الهامش طول العمر
دايقين الفقر كاسات من مر
ومناهم بس الحظ فـ مرة يرق يحن
عشان العيشة تروق تحلو
جاهزين علشان اللقمة يقول الهو
هوهو هوهو
هوهو هوهو
وبجد قالوها ببساطتهم
والدنيا قالتها صريحة كمان
هههأأو ههأأو