يابهية - إكرامي قورة

يابهية
الليالى السودة جايّة
اقفلى بابك عليكِ
واحبسى دمعة عنيكِ
واسكتى ما تقولى مين
كلهم شافوا اللى قاتل
شافوا حقده وهو نازل
من على ضهر "الأباتشى"
لجل يكسر كرسى كان قاعد عليه ..
الشيخ ياسين
يا بهية اسكتى ما تخبّرينا
فينها هيبة المسلمين ؟
كان بطل حتى الشهادة
عجزه كان مليان إرادة
دينه كان بركان فـ قلبه
ثورته تحدف حِمم من ضَعْف صوته
تشعل الثورة فـ شباب يجروا يموتوا
لجل فوزهم بالشهادة
كان بطل صنعت بطولته
دمعته فـ دور العبادة
يابهية
قولى للدنيا بحالها
إنْ موتُه
كان سبب مليون ولادة