شعر العسل - إكرامي قورة
ياشعر عدّا سبع بحور
والنحل لسّه بيشتغل
بيكتب على ورد البحور
أدى شهر سابع للعسل
يا عم شعر :
مين غير زعل
لو يوم كتبت يدوب بيتين بالشكل ده
عايزك تبوس ضهر الإيدين وتقول : رضا
بصراحة خايفين نتحسد
أيام زمان ..
كان اللى بينّا يدوب قصيدة شعر لسّه بتتولد
وفضحتنا
عرفت كل الناس حكاية حبنا
والوقت ياه .. ياعم شعر
اللى اتولد بينّا كبر
أكبر كتير منّك
وحقيقى لازم نتعذر
لو نبتعد عنّك
ونطنشك
وكفاية لو يوم جه زعل
إنْ إحنا نجرى ننعشك
ونفرفشك
علشان تصالح بينّا يا ...
شعر العسل
وإن جيت لحق الله يا شعر
طعم السعادة
أغلى كتير من أى سِعر
يارب ديمُه
إن شالله تاخد عم شعر