هترجع إمته يا غريب - حمايه عوض الشربيني
هترجع إمته بقه يا غريب
ترجَع أرض أجدادك
ده شعري شاب
وإنت بعيد
وذاد الهم في بعادك
حاولت كتير
لكن ما قدرت
وزعلوا مني أولادك
لا عندي سلاح
ولا ايمان
وخانّي كل أصحابك
وتار بايت في أحضاني
خلاص ماشي وسايبهالك
ده حتي تراب
ما لاقي تراب
يتاويني
يخليني
أحس بقرب
الوطن للغُرب
هترجع امته راح يا غريب
سؤال دايما في علم الغيب
وتحضني بهلال وصليب
ترجع لي صلاح الدين
ده كل الأهل هنا قاعدين
يقولوا
غريب هيرجع تاني يحيينا
يخلينا نعود لوطنا
ينسينا جراح
كانت في أحزانا
يعلمنا ايه معني الوطن
يخلينا نحس الشجن
وياااه يا غريب
في غربة ليل وبيطوّل
وانا بحلم بعم نول
ليالي كنا أسياد
وزمان كان كله أزماني
وتشرق شمس ومهما تروح
راح تشرق في أوطاني
بدالها الهم والحرمان
وأهل وخانوا عهد زمان
وأهل وهُمَه مش أهلي
أعاهدكم
يا كل شريف
يا كل أمين علي الأمة
أنا رايح لأوطاني
هاسيب الغربة وأرجع لك
وأغنيلك قصيدة الصبر
بكل جوارحي وكياني
وسيف مسلول وقرآني
حلفت لانول
بأسناني
تراب أرضي وأوطاني
ولو موصلتش علي معادي
أعرفكم
بإن الخونة في بلادي
قتلوني وصفوني
ومهما هيقتلوا فيّه
ومهما مكنش فيه ديّه
هيرجع تاني مالغربة
مئات مليون
تروحي يا دنية الغربة
وترجع شمس عم نول
يعم سلام وعلم وعدل
ونور ويقين
ويا فلسطين
راجع لك تاني مالغربة
صلاح الدين .