بحبك لأنك - حمايه عوض الشربيني
بحبك لأنك
كتاب مفتوح
وحلم الروح
يطير بجناح يا خدني معاه
لفوق ولفوق
وأنا المخلوق
بدون جناحين
وأفضل فوق لحد ما افوق
علي الأحزان
علي الحرمان
لكني
بحبك
وأحبك لأنك
بداية الأماني
وكلك أماني
ومهما أقولك
قليل كلامي
دا نفسي أغير
معاني الأسامي
واسميكي حاجة
محدش عرفها
وصادفك بحاجة محدش صادفها
عشانك لأجلك
تمللي بحبك
واحبك لأنك
من النيل نبتي
وعودك مزهر
يا امي يا بنتي
وليلك بينشد أغاني الوطن
كأنك حاربتي
علي الجبهتين
وأرجع وتاني
أغني عشانك
لأنك حبيبتي
يا حبي الكبير
في حبك أسير
وأطبطب عليكي
ما هو انتي صغيرتي
وابوس في اديكي
لأنك أميرتي
واسلم وتاني
أحب الأسامي
واسمك يا عمري
ده احلي الأسامي
لأنك حبيبتي
بحبك لأنك
أمل ف الظلام
سكوتك تملي
يحلي الكلام
ويملاني شوق
ياخدني لفوق
وانا الصغير
ومش عايز افوق
بنظرة عنيكي يعم السلام
يا طيبة وطبيبة
بحبك ما هو انتي الحبيبة
وانتي القريبة
وقربك أمان
ونفسي تعود لي ليالي زمان
واختار حبيبتي
وهاختارك انتي
لأنك وانتي تمللي حبيبتي
بحبك لأنك
انتي حبيبتي
5-لو مُت بكره
لو مت بكرة
متنسجوش الدمع بين الخيوط
ومتعلنوش حالة الحداد
خلّوني أموت جوه السكوت
وكفايا إني صبرت
عشرين سنة واكتر عليكو
حاولت أبعد كتير
لكن خطوتي كانت إليكو
ياللي بدعتوا الكدب
وف دنيتي مبتفهموش
ولا تفهموش إيه معني حب
اتكتب بكره يموت
وصحيح وسامع إني من بين الضحايا
عايش عذابي ف دنيتي
يداريه غنايا
هرحل لفين ما هي دنيتي
أرضي وسمايا
ياللي عشقتوا دمعتي
متفرحوش
دا انتوا كتير في دنيتي
مبتفهموش
ياللي عشقتوا دمعتي
مش راح أهاجر
ما هي دنيتي أرضي سمايا
مش راح أولول
أو أكون زي الولايا
ولا عمري هتنازل وأبيع
حلمي ضنايا
هحرق فلوس البنكنوت
وأرجع لحالة من السكوت .