ألحقها وعيشها بجد
ألحقها وعيشها بجد

لوكنت عايز يا واد

بين الرجال تِنعد

عيش حياتك وصون ذاتك

ولايهمكش( منهم) حَد

اوعاك تكون زى البهيم

ورا اللئيم تِنشد

أوعاك تدّور خد بعد الخد

ولا فى الغضب

ساعة الغضب تِنسد،

برق عنيك للى يعاديك واحتد

وافتح ايديك للى يناديك بالود

يكفى اللى فاتك

هد روحك هد ،

اكره بقى سجن الشقا

والبهدله والكد،

إطلق طاقات الروح

باب الحياه مفتوح

والعمرلحظه.. تروح،

فالحق.. وعيشها بجد