ليه جناحك الأبيض .. - صابر فرج

ليه جناحك الأبيض . .
فيه ريشه مسوده؟
جناحك المقصوص
يغوص
وجناحك المفرود ،
يطير
. . .
( 1)
زغلوله لسه ف عشها كانّه
ماتملاشى الرغيف
وانت اللى غاوى الدم من يومك
ولك شنه ولك رنه
وطلقتك بتصيب
فا سيب
اللى كانن فى عشه ويا حبيب
ازاى تعيش ع الدم والرمه
وتضرب الحبيبه ع القمه
وتخلّع العمدان اللى بتنور على سطوحنا
وتفّرق اللمه
نادينا ع الحرافيش
ماردتشى
ايه تعمل الشومه قصاد طلقه
واش تعمل الزقه
قصاد التور
(2)
عصفورى أخرس
والشجر عريان
وكتابى تايهه حروفه بدون عنوان
محتاج لسيدنا الفقى من تانى فى الكتاب
والخوف من الفلكه
وافهم بأن الحرب مش عركه
مابين ملايكه
وجان
الحرب بتحش النجيل م الأرض
وتغيّر خطوط العرض
فا كنى جوا العش يازغلوله
احنا يادوب مرحله
قبل بلوغ السن
ودخولنا على اولى
عايز جناح مفرد
وصدر قادر ويقدر يصد الريح
ويفادى سهم الموت
(3)
للحور بياض الحمامه والزغاليل
اما العيون الخضر بستانى
حطيت على راس الحبيب أكليل
وغزلت من رمشه الجميل فستانى
ياضحكته فدان شعير
والخطوه تسبق خطوة العصافير
عصفورى غنى للنسيم والليل
نامت ف حضنه آهة المواويل
والصبح ماشى فى الحوارى أمير
حاضن ولاد الفجر بعيونه
الله يصونه من غراب البين
ويفرد الجناحين لأحبابه
وياخدنى للقمر البعيد
واوصل لأعتابه .
(4)
دوس ع العتب من بعد ماتسمى
البيت دا فيه العجين
وبيدها امى
مقرصه الرغفان على الصاجه
ومقسمه الحاجه
على نصين
النص لاخواتى البنات
والنص للفقرا
دعوة عيون الفقارى بتنور الضلمه
(5)
عود الحطب ف الفرن بيحمى
ويوهوج النار اللى بتسوى
تطلع فطيره كبيره
تكفى الأهل والأصحاب
للكل نايب
ان كان حضر او غاب
الجوده ف الموجوده ياخلى
ولاشىء فاضلى
غير النسب والدم
هوا اللى يقدر على شيل الأسى والهم
(6)
عمر الحمام ما يهج بنيّه
وانا اللى ساقى حمامى بأيديا
ومأكله لوزى
ومدفياه م البرد أحضانى
ويشم ريحة الباط ويعرفنى
ويحب طعم الشاى بنعناعى
وعجينة الياسمين على الصره
دا الحب زى الجوهره ف الصاغه
غالى التمن ف البيع
وحمامى ولّف على حضنى وعلى سطوحى
يفرح لفرحى
وتشفى لمسته جروحى
ياعيونىزغلولتين . . ورموشى جناحتهم
حضن العيون أحلام معديه
وطايره بيا
على ضفتى التانيه
أزرع ف خوخى
ومشمشى
وزتون
وازرع ف كل العيون . .
أحلام منديه
مين اللى قال الحمام
بيهج بنّيه
(7)
ريش الحمام أبيض من سلام الروح
وهداوة البال
وضحكةالأطفال من الفرحه
ربيت جناحاته عشان مايطير
ويرجعلى
ريش الحمام بله الندى اتوضا
على سجاده من فضا
حمحم بأسم الله
مشوارنا يتقضا
وتجيب لى أخبار اليمن والشام
مين اللى فيهم حزينه
واليتيمه مين
وانا الموجود
وليه جناحك الأبيض
فيه ريشه مسوده ؟
ليه جناحك الأبيض . .
فيه ريشه مسوده؟
جناحك المقصوص
يغوص
وجناحك المفرود ،
يطير
. . .
( 1)
زغلوله لسه ف عشها كانّه
ماتملاشى الرغيف
وانت اللى غاوى الدم من يومك
ولك شنه ولك رنه
وطلقتك بتصيب
فا سيب
اللى كانن فى عشه ويا حبيب
ازاى تعيش ع الدم والرمه
وتضرب الحبيبه ع القمه
وتخلّع العمدان اللى بتنور على سطوحنا
وتفّرق اللمه
نادينا ع الحرافيش
ماردتشى
ايه تعمل الشومه قصاد طلقه
واش تعمل الزقه
قصاد التور
(2)
عصفورى أخرس
والشجر عريان
وكتابى تايهه حروفه بدون عنوان
محتاج لسيدنا الفقى من تانى فى الكتاب
والخوف من الفلكه
وافهم بأن الحرب مش عركه
مابين ملايكه
وجان
الحرب بتحش النجيل م الأرض
وتغيّر خطوط العرض
فا كنى جوا العش يازغلوله
احنا يادوب مرحله
قبل بلوغ السن
ودخولنا على اولى
عايز جناح مفرد
وصدر قادر ويقدر يصد الريح
ويفادى سهم الموت
(3)
للحور بياض الحمامه والزغاليل
اما العيون الخضر بستانى
حطيت على راس الحبيب أكليل
وغزلت من رمشه الجميل فستانى
ياضحكته فدان شعير
والخطوه تسبق خطوة العصافير
عصفورى غنى للنسيم والليل
نامت ف حضنه آهة المواويل
والصبح ماشى فى الحوارى أمير
حاضن ولاد الفجر بعيونه
الله يصونه من غراب البين
ويفرد الجناحين لأحبابه
وياخدنى للقمر البعيد
واوصل لأعتابه .
(4)
دوس ع العتب من بعد ماتسمى
البيت دا فيه العجين
وبيدها امى
مقرصه الرغفان على الصاجه
ومقسمه الحاجه
على نصين
النص لاخواتى البنات
والنص للفقرا
دعوة عيون الفقارى بتنور الضلمه
(5)
عود الحطب ف الفرن بيحمى
ويوهوج النار اللى بتسوى
تطلع فطيره كبيره
تكفى الأهل والأصحاب
للكل نايب
ان كان حضر او غاب
الجوده ف الموجوده ياخلى
ولاشىء فاضلى
غير النسب والدم
هوا اللى يقدر على شيل الأسى والهم
(6)
عمر الحمام ما يهج بنيّه
وانا اللى ساقى حمامى بأيديا
ومأكله لوزى
ومدفياه م البرد أحضانى
ويشم ريحة الباط ويعرفنى
ويحب طعم الشاى بنعناعى
وعجينة الياسمين على الصره
دا الحب زى الجوهره ف الصاغه
غالى التمن ف البيع
وحمامى ولّف على حضنى وعلى سطوحى
يفرح لفرحى
وتشفى لمسته جروحى
ياعيونىزغلولتين . . ورموشى جناحتهم
حضن العيون أحلام معديه
وطايره بيا
على ضفتى التانيه
أزرع ف خوخى
ومشمشى
وزتون
وازرع ف كل العيون . .
أحلام منديه
مين اللى قال الحمام
بيهج بنّيه
(7)
ريش الحمام أبيض من سلام الروح
وهداوة البال
وضحكةالأطفال من الفرحه
ربيت جناحاته عشان مايطير
ويرجعلى
ريش الحمام بله الندى اتوضا
على سجاده من فضا
حمحم بأسم الله
مشوارنا يتقضا
وتجيب لى أخبار اليمن والشام
مين اللى فيهم حزينه
واليتيمه مين
وانا الموجود
وليه جناحك الأبيض
فيه ريشه مسوده ؟