حافي في دولة المسامير - عبدالناصر حجازي
مولود كفيف
ما بين مخابز حلمى باتسوّ ل رغيف
ساند على اكتاف الأمل
عاوج دراع الصبر إيد عكّاز
يمكن عمايا يكون سبب جهلى
ورثت عن أهلى جدار مهدود ،
وحمل تقيل على اكتافى
مولود انا حافى ...
فى دولة كلها مسامير
بارضع فى صدر الجوع ...
وباشرب من عكار البير
مكتّفانى الأسئلة ،
حزّة ف رقبتى السلسلة ،
عطشان غنا ،
وجدارى محتاج للبنا
وعشان كفيف
العتمة بتحرّض وطاويط أزمتي ع العربدة
وخطوتى العرجة إستجارت م المسير
والذنب مش ذنبى ،
ولا بإيدى انولد حافى ....
فى دولة كلها مسامير