هاننتصر - عبدالناصر حجازي
الحرب ع الابواب
بس أحنا عاملين طرش
مطنشين خبطها
عايزينها ما تدخلش
ولو فضلنا كتير
قافلين قبالها الباب
هاتخبطه برجلها
وهاتفسخه وتخش
وهاننتصر
هاننتصرلو احنا وفّينا بعهودنا وبالقسم
هاننتصر ----لو احنا بالحبل الالهى هانعتصم
هاننتصر
برغم عتمة دربنا
رغم اختلافنا ف أمرنا
وبرغم سيفنا اللى انكسر
هاننتصر
لو شلنا من روحنا الغبار
وزرعنا فى قلوبنا الخضار
أو باختصار
لو كل واحد هد ّ أصنامه اللى حاجبة قبلته
لو كل واحد فينا رجع صوت بلال لمدنته
لو كل واحد فينا بص لنفسه لحظة فى المرايا واعتذر
هاننتصر
هاننتصر
هاننتصر