والميلاد - مجدي نجيب
أبواب
تنفتح أبواب
تنقفل أبواب
إيدين ..
بتكتب بدايه
إيدين ..
بتكتب نهايه
وعيون على الأبواب
فينك ح تهرب يا شوقنا
دا الفرق ع الباب
ندفا في طريق حزننا
نبرد في سكة فرحنا
ولأننا خايفين
خايفين كثير على بعضنا
لا بد نسبق ضلنا
لأيّ شط أمان
ننسى عشان عمرنا
يبقى له ركن في عيد ميلاد
نهرب عشان إسمنا
يفضل وله شهادةْ ميلاد
ولأننا عايزين
نحلم نقابل حلمنا ..
في أي حتّه تضمّنا
على شط يكون أمان