فاصل ونود - محمد أبو زيد الأسيوطي
بعد الفاصل
ح نكمل مع بعض
نواصل
السيرة الهلالية
لبلدنا
ونشوف يا ولادنا
في الحلقة الميَّه
وهـ نسمع
يا ولاد البيت
روايتنا وقصة أبو زيد
علشان العبرة
وهـ نعرف
أيامه وعهده
في مسلسل
دايما بنشاهده
في سنينه الغبره
وهـ نوصل
بالكاميرا لـ عنده،
وهـ نعرف
كان مين بـ يسانده
وبمين متأصل
أبو زيد
في الروح
كان ساكن
ياما زار
بحصانه أماكن
هـ نواصل
الحلقة ولكن
بعد الإعلان
علشان التوقيت
معدود،
والعرض الساري
محدود،
وهـ نبدأ د لوقت
وحالا
فاصل ونعود..!