رحمة يا وطن ألف - محمد أبو زيد الأسيوطي
أنت مجنون
ولاَّ أهبل..!
شعر إيه ؟
ما الشعر بطَّل..!
أنت كاتب إيه ؟
قصيدة..
روح وشوف
حاجة مفيدة
الكلام مابقاش
بيوصل
وان وصل
ما بقاش يأثر
يعني لِمْ الدور
وقَصَّرْ
ف الحديت
أبو زيد أنت
ولَّا عامل
فيها فارس
ولا حارس
للتاريخ
أنت فاكر
حد حاسس
لا يا شيخ
روح ونقطنا
بسكاتك
الضمير
من أصله مات،
والمشاعر..
يعني مش
محتاجه شاعر
تاني يشعل الحماس
دانت طيِّب
أنت فاكر
إن لسه
ينّا ناس
فيه ضماير
لسه حية
ولا لسه
يه أمل .