صاحبى - محمد أسامة البهائي
صاحبي ياللى من ديني....وديني
مطرح ما ترمى الريح....وزيح
الهم عن قلبى .... واسبقني
لســه العمر طـويل...وعويل
عــويل ما يعرف سـكته... جيت أسكته
بكا زى النسـا فى الحزن لحظة ضعفهم
بــكا زى عاشقة حرمت عـشـيقها شــهوته
زلتـه وف غل نابعه قلبـها حرقتـه
إيه ياصـاحبى ؟... بقا دى همتـــك؟
ولا لقمتنا بالملح ماهمتك؟
دى العشرة ان هانت وولت
فانيا الدنيا زادت قلت
ياما نفوس ضاعت زلت
والوهم سرابه طاير طاير
زى زماننا داير داير
لافف لافف زى الحاير
وانت عصيت الصحبة بظلمك
ظالم ظالم فين ها تروح
تحت الشمس ما تهرب روح
أنت قتلت مرؤة قلبك
وانا من عمرى كتاب مفتوح
( والناس فى الدنيا ولا المراجيح
زى الريشة فى قلب الريح
نازلة وطالعة
طالعة تبكش نازلة تغش
ولا يوم أبدا تخاف وتكش )
زيح الهم عن قلبى واسبقنى
لا ها تعجب ولا ها قلق
فيك كثير من طبع النسـا.
النقص فيهم صدق المثـل.
حارمين الفرد فينــا قولة أمل.
وقال صاحبي وبن ديني..
يا حـســرتى .!!