غربوني عنك - محمد أسامة البهائي

غربوني عنك
وشقينا بليل فراقنا
لوعة نايمة في الضلوع
و الفراق ماكانش طايل
ضي خافت م الشموع
لاجل حكمة يبل ريقنا
سحر نهرك بالرجوع
تشبهيني بلون عنيكي
وهي سابحة في الدموع
رايحة تجري زي مهرة
بين جوارحي والضلوع
تألميني وأنت ضايعه
وطالعة تجري في الربوع
وتألميني وأنت حاطة
كل همك في الخنوع
بتبعينى وانا بأشفي نار غليلي
م اللي جزك م الفروع
وتصلبيني وأنا راكع
تحت رجلك وف خشوع
فتشيني ومش هاتلقي
معني غيرك للدموع
فتشيني وأنت تلقي
شخص رافض ذل سايد والخضوع