التطعيم - محمد أسامة البهائي

لساك بتعذب نفسك
زمنك ماشي وداهسك
ومرارة صبرك يأسك
تعميك وأنت مصحصح
تلاقيك كراكيب ومضحضح
مكتوم بخلاصك بحبح
النار كاوياك وموحوح
جيب روحك من غفوتها
بركاتك ياللى خفيتها
الكلمة العاصية ألفتها
ليه تكبح شوق لهفتها
أشواق سلامات لهفتنا
مركبنا ومش دفتنا
مهمومه تهد عافيتنا
مكسورة ياحيطة بيتنا
أحزاننا وليل غربتنا
وجراح الأرض وارتنا
في دراج التربة موتتنا
وفضايح من عورتنا
الغيظ بالغيظ موتنا
واليأس مرضنا حالتنا
ويأسنا علاج وأطبة
والأسم إن أحنا أحبة
ماشين على نهجه وشرعة
على ملأ الكون ومسامعه
والحقد بنجنى مزارعه
بالأخوة اللى بيتصارعو
فى بلاد العرب الضايعة
ناس صايعه خسيسه وبايعه
قرارات مهزوزة ومايعه
أتسرق الغيط والضيعه
وانت مقطوع من وصلك
تايهه من أصلك فصلك
وأميريكا بتحش مفاصلك
وعدوك فرحانلك هاصلك
يامريضنا ياقلة مصلك
تطعيمك
دينك
مصلك
أستمسك وأستمسك أكثر
بالدين ع الكل هاتكبر
وهاتبقى الكنج في عصرك