وقت الحساب - محمد فاروق عبد اللطيف
لو كنا فى الماضى لسانا بنتهته كلام
وايديكوا قطعت حسنا وف حلمنا
حصدت بدور التهتهه قبل الاوان
وان كان زمان المحكمة فى ايديكوا
واحنا ما كنش حيلنا الا اللسان
افتكروا بكره اللى انتوا مش باقين عليه
والكل فيه هنكون عليه.. حكام لجان
فى النحل بين الشغالات هيكون وريث المملكه
وهيبتدى( وقت الحساب)
هيكون بدق طبول لحرب مع اللى مات
قصدى الضمير اللى انتوا رضعتوه سكات
وكتمتوا حسه فى قلب.. قمقم
هو هواه الضمير اللى غير فى التاريخ
وكتبكوا( اسياد الزمن)
بس مهما الظلم زاد هيجيلوا يوم يدفع تمن
ويموت ضميركوا بحسرته واحنا بنكتب فى التاريخ
وساعتها طوب الارض يسلخ جلدكوا
ويكون وجودكوا فى الحياه مجرد ..رمم