مخدات الصالون - محمد فاروق عبد اللطيف
مش بإيدى أكتب عشانك
بس هما أجبرونى
عرفونى إزاى أهرتل
وابقى عيل فى اللزوم
علمونى اشخط وازوم
لما اغير فى الحقيقة
والقى فى مليون طريقة
وحجة تثبت كلمتى
بس مش محتاج وجودى
أو لصوتى ومفرداتى
لو هتقبل حسكم
مش ضرورى
ميلادى يبقى
فى ضهر واحد منكم
حتى السكات فى قلوبكوا
ضلمة مزخنقة
وضميركوا اضيق
م الحارات
والنضارات السودة
فى وشوشكوا الإزاز
محشية توهه
بلون فاميه
وان كنت هسأل
مرة ليه؟!
بتاجروا فى الادب الرخيص
ومعاكوا رخصة مشنقة
ده النهر فايض تريقة
مستنى للفراشات سفر
لحظة رجوعها الشرنقة..