أنا مجنون - محمد فاروق عبد اللطيف
مجنون ولكن شغلتى اصلا
اكون مجنون
بلف فى قلب دوامة
بدور عاللى ساب عقله
وعِّلى تاه فى افكاره
وعلِّي حب يوم ناره
بدال الزل
لقيت الكل بيدور قوام عنى
بينده انت يامجنون
بقينا فى اللمون ذيك
ساعات نحتار نعيش نقبل
ساعات نحلم بنرفض يوم
ولكن وسط صهد الفكر
قبلنا ضلك البارد
قبلنا نبقى مرزبة
فى ايد مارد
وفارد سوره حوالينا
قبلنا فكرة الدرويش
قبلنا نموت بدال ما نعيش
فى اكفنّا
ولكن موت عن التفكير
وبدلنا الحياة بسراب
وعلينا عشان نوطى
ووطينا عشان نعلى
وبطلنا خلاص نحلم
بطلعة فجر
عشان الاصل مش فينا
ولو فينا خيار.. ولمون
هيبقى العقل متبرمج
على زيف الكلام بكلام
وانا مااقبلش اكون
كومبرس عالمسرح
واقلد وابقى يوم ميمون
ده لو كان السكوت عقلى
فانا احسنلى اكون مجنون...