فى بار قديم - مسعود شومان
فى بار قديم
وسط الأزايز
اتدحرجت الكراسى الحمرا
وخطف الوله
بز البت البت الشحاته
وحطُّه فى الكيس النايلو الاسود
بعديها غنى
عن الشلل والسُكْر
واتملا قلبه بنشارة الخشب
ومايقدرش يفحر قلبه
البلدوزر اللى دك الشارع
هنا
خرج المغنى بغنوته يعلن
عن التوابيت الجديده
اللى جهزها لبناته
وهمَّا لابسين الطرح
وتحت الترتر اللميع
هايخسر صاحبنا شهقته
ويدارى بتاع مراته
عن البحث الفولكلورى
ويقول مزاجى كدا
أصنع بلاد بناسها
فى ايديا ترابيسها
أتحكم فى أنفاسها
هااشتمه فى سرى
البيره الطازه
أحسن من رؤيتك النظريه فى الكون
ومن بصاتك المخدوعه
اللى بتدعى التراجيديه
وبتبص ع الدنيا
من ركن أضيق
مالخرم اللى معرفش يدخل منه الجمل
اللى سارح فى صحارى الروح
كسم
البراميل اللى ماليتها بزيتك
كسم
حصانك الخشب
وطباقك الفضه
كسم
عنيك المخدوعين
فى الفالصو والنايلو الباهت .