الموته اللى تناسب روحها - مسعود شومان
فى الشارع اللى قدام محطة القطر
ها تزيد الخيالات ويتدارى المجاز
عدِّت بنات وقطفتهم
واخترت لكل واحده القبر اللى تتحط عليه
فاضل إيه
آدينى ما زعلتش ولاَّواحده
البيضا والمليانه شويه
واللى مجرجره وراها جروحها
يافطه للشفقه
وام بز حنين
صدقونى مش عدل منى
ولا فروسيه
ولاَّ ألوهيه حتى
اخترت لكل واحده موتتها
اللى تناسب روحها
وراعيت اللون والسن وطول الفستان .