جمل المحامل - طلعت سقيرق

جمل المحامل طلْ
إيدو على جبالو
فوق الشفايف ظلْ
للأرض موالو
نادى ع أرضو وقالْ
لا بد ما نرجعْ
الليل مهما طالْ
الفجر رح يطلعْ
لا بد ما يطلعْ
جمل المحامل مدْ
خطواتو لبلادو
حمل السلاحْ وشدْ
ونادى على ولادو
عهد الأرض مكتوبْ
نبضو فلسطيني
شدت عليه قلوبْ
والوعد حطيني
نبضو فلسطيني
جمل المحامل نارْ
ما ينطفي جمرو
ضد الأعادي ثارْ
وامتدت الثورهْ
نادى وهب الصوتْ
في أرضنا حجارهْ
توقف بوجه الموتْ
بزنود جبارهْ
بزنود جبارهْ.
* * * * *