لا واحسافة - أحمد الراشد

استغفرالله عليك ما تغليت
لكن مقدّر عكر صفوة زماني

عشرين ليله يالغضي ما تهنيت
حتى لذيذالنوم حنّ وتمناني

عشرين ليله مخاوي بها عفريت
نوبه يوسولي ونوبه يتجناني

وبلهفتي جيتك والله رب البيت
اوفيت وما ضني انك تناساني

حسبالي الترفه عنها انا ابطيت
حسبالي ولهانه ملتاعه وتعاني

حسبالي بلهفه تهلي بيالاجيت
حسبالي تلقيني ملقاة ولهان

ياكذبةاحلامي شمتّ بي العفريت
لاواحسافه تكون خيبة زماني

حتى سلام الله استخسرت ما رديت
واعذرتك وشكّيت رددتها ثاني

لاني فطيرالقلب لا واحسافه اخطيت
يومني صدقتك وعاملتك انسان

ما ينفع عتابك ولاقولتن ياليت
لاواحسافه رداك بطيبتي جاني