تسلم عيوني دامها هي تشوفك - أكرم التلاوي
يا مزعل ٍ عين ٍ تلهف لِملقاك
أتعبت قلب ٍ مرهف ٍ في عزوفك
وشلون ابوصف حالتي بعد فرقاك
ظامي سنين وأرتوي يوم أشوفك
بالله قلي ان كان به سِبّه لجفاك
ولا غيابك قدرنّه ظروفك
أهواك أنا أهواك أهواك أهواك
لو جيت أعوفك مقدر إني أعوفك
أفطر على شوفك تغدى وتعشاك
وإن جيت أحلي بلثم اسفل شفوفك
صحيح هو من شاف زولك تمناك
لكن تمنيتك أنا قبل اشوفك
شفتك حِلم والحلم أقفى وخلاك
أقفى ويده ممسكه في كفوفك
ربي عطاني اياك يا نعمة ( إياك )
جنة جمال ودانيات ٍ قطوفك
يفداك كل الحسن يفداك يفداك
كعبة حلا والباهيات بتطوفك
عودت عيني شوف عينك ورؤياك
من بعد شمسك جار فيني كسوفك
متى تِعَوِّد واهتني بك وألقاك
( تسلم عيوني دامها هي تشوفك )