زُكمه - أكرم التلاوي

حظي عاثر بالمحبه عمر ما بنت إعشقتني
ليه مدري بس يمكن هي رداة الحظ عاثر

قلت أتميلح لعلي عاشقه جت وابتلتني
بالمحبه وابتليت ابها وقالوا الحب كافر

قمت أكشخ وآتعطر وين البنيات عني ؟
( كازنوفا ) غار مني بالحلا والحس شاعر

ما درت بي غير زُكمه لعنبوها ما اتركتني
اعشقتني وياهو عشقن عشقها يا ناس فاجر

ما تجي الا وسط ليلي في فراشي واحظنتني
ما اطولك يا ليل غَنّت ما غدا لليل آخر

كُحتن صدري تُشقه وكنها تحسب اغني
تُرقص اليا سال دمعي واختنقت الليل ساهر

ما هوتني غير زُكمه ربي يخرب لي مطني
هالنحس يلي غدا لي هالرفيق اللي مسامر

اعتقيني لعنبوج ارتجيها ما اعتقتني
ما ابي اعشق وتوبه هذا انا فيها اجاهر

ما قويت اني أطلق من وفاها ما اخلعتني
ما بقى غير اللعان منهو يشهد لي واباشر ؟