برافوو يا شاعر - أكرم التلاوي
فلان شاعر يا حليله صفقوا له ما اشطره
بخروه وحصنوه ولفلفوا يده بحرير
بينه وبين الفرزدق ما بقى غير اشعره
إشعره والله عالم تقسمه ظهر البعير
يا بشر وش كُثر شِعره الله الله ما اكثره
عنده موب شيطان واحد شكلهم عنده عشير
والله من زود القصايد شكل عنده معصره
لا ملاها بالحروف تنزل حروفه عصير
مره يوصف لك دجاجه مره يوصف مَسكره
ومره يمدح بالفرزدق يهجي مره في جرير
شاعرن موهوب هذا عزك الله ( كُندره )
يسرق أشعاره من اللي يعرفه شاعر فقير
ويوم قام بيشتكيه قال حقي وأنكره
وصارت الأبيات بإسمه كيف ؟ في قدرة قدير
ويوم جو بيحاسبوه قال : عند المقدره
عفو واحسانن وكنه صار باخلاقه أمير
برافو يا شاعر حرامي آخرك عالمقبره
لا شِعر وياك تاخذ لا ولا حتى شعير
أول أمس القى قصيده قلت : هذي لعنتره
قال : عنتر قِد سرقها مني يوم اني صغير
فلان شاعر يا حليله صفقوا له ما اشطره
بخروه وحصنوه ولفلفوا يده بحرير
اتركوه يسرق قصايد علموه البختره
وصمتن تبقى بوجهه لو فقد كِل الضمير
لا نظر صوب المرايا شاف نفسه مسخره
ولا جلس في يوم وحده احتقر شخصه كثير
الحمار ولو تربى بين خيل محَدره
من أصولن عالياتن يبقى من جنس الحمير