أستأذنك ياليل - أكرم التلاوي
أستأذنك يا ليل احاكي صمتك الساحر
قِل للنجوم اتصُبْ النور في عيني
بَسهَر معاك إلين ايغيّبَكْ باكر
ويغيّب اجفوني النعاس اللي سَهر فيني
شف يا رفيقي قدرنا الباسِم الساخِر
هالصبح ذاته الا مَ اشعلك يِطفيني
يِشب نور الفجر ايقول لَك غادر
واتظلم جفوني غفا واغفى واغفيني
ويا ليل دامه كِل أمر ٍ وله آخر
هالجرح يلي سكني ما يخليني
تبرّوز الدمع في خدي وله حافر
خيل ٍ تسابق على جمر ٍ بيكويني
تناوشتني الهموم اصغير عن كابر
كَنها مناجل حِسبة زرعها سنيني
تحصد وصابر صابر صابر وصابر
صابر وصبري بعكازه يمشيني
استنزفتني السنين وما بقى شاغر
يا شاغر العمر يلي ذقت يكفيني
ابحطب الجرح واشعل فرح وآسافر
للحظ يلي عِجزت رِجلَه اتجيني
بتقمص الليل وآخذ دوره الفاخر
لا اغتاله الصبح قَل للدرب وديني
لمغرب الشمس يلي جَيتي ناطر
بالشرق الأقصى أبتربع وأطفيني
ويا ليل دامه كِل أمر ٍ وله آخر
هنا انتهيت ... بنشدني أنا ويني