حقنة - أكرم التلاوي
الهرج من غير جُمرك والدروب وساعي
والدواب اللي تّنَهِق تُسكت ( إبرسيمه )
ولا غدا نذلن يِحاول يستفز أوجاعي
ما تأثر بي هروجن من قليل القيمه
البحر لا صار عاتي ما يهز شراعي
إنت يـ( المزراب ) تنوي مركبي تهديمه ؟
والله إني لو رفعتك ما قبلتك راعي
ولو بوطي فيك صدق لأنشرك بـ( الْسيما )
خلي عَنك يالمهرج زيفك الخداعي
والقناع اللي مغَرى فوق وجهك قيمه
كل هرجك يالمغفل ( ما لأمه داعي )
عقلك الخاوي مغبر صابته تنسيمه
لا تحسب في كلامك لاوين لي ذراعي
أو تفكر في حروفك لاحقتني ظيمه
هذا إسمي وهذا رسمي وذي حروف ( يراعي )
أفتخر بأصلي وفصلي والمراجل شيمه
ما أبدل في كلامي أو أبرسل ساعي
واضحن كِلي وضوحن في صفاء الغيمه
وانت تسبح في عيوبك جملتن وقطاعي
عقل خاوي بمنطق أعوج فوق راسك خيمه
والله إني ما هجيتك ولا لشخصك ناعي
بس من يخطي بحقي واجبن تعليمه
لا يضيق الصدر منك لا ولا ترتاعي
الجرب لا صاب شخصن واجبن تطعيمه
حُقنتي جاتك قصيده مصلها جزاعي
بالشفا أدعي لك الله المرض لا يديمه
إشتم ومدحك بعيدن خَله عن مرباعي
المدح لا جاني منك المديح اشتيمه