قلبي سجين الحب ! - علي الجهامنة
دورت بدروج الفكر والملفات
حتى خفوقي دورت في ميوله
ما شفت الا حب بالعون ما مات
يحيى على ذكر الغلا من طفوله
جالس واقول الحب ما فات ما فات
درب الهوى ماله عمر تحسبوله
لو زاد بالرمشين والراس شيبات
ما ضاق قلبي بالعشق من حموله
خطيت انا بالحب ابيات وابيات
يا سامعين الصوت بالله قولوله
قولوا لفاه الحب من زين بسكات
قولوا رجع عشرين عام بسهوله
نسم علي الحب نسمات نسمات
واهدى حياتي من السهوله سيوله
ودووله المكتوب واهدوه بسمات
واهدوه مني صافيات خجوله
اللي بها الشريان لو قاللي هات
ما تنتظر لحظه تجيه بعجوله
فكري يقول الحب في خافقي آت
روحي فبيت اللي عشقته وحوله
مدري سكن الكويت ولا امارات
مدري بارض البيت مدري نطوله
لو راح للبحرين ما قول هيهات
لو يسكن بعمان امشي اذكروله
اقطع فيافي البر في نور نجمات
يكفي اشوفه في خيالي اوصفوله
هذي حوالي بلغوا الزين كلمات
اني على عشق الغلا حددوله
قلبي سجين الحب والحب ونات
شوقه لهايب يا خلق عددوله