اذا عاش القصيد - علي الجهامنة
اذا مات القصيد بداخلي والحرف غادرني
اجي باحساس قلبي انثره في داخل احساسك
الك وحدك يكون المعنى والاحساس يحضرني
ولك وحدك اكون الصوره في روحك وفي كاسك
بغيت اكتب ولكنها حروف الشعر تغدرني
تغيب ايام يا عمري نسيت اني انا ناسك
يغيب الصوت والاحزان تجي قلبي تحاورني
اجل وين الذي في الروح في نبضك وفي راسك
مصيبه لو نسى قلبك كلامه يوم غازلني
مصيبه لو نسيت ان المشاعر ليك حراسك
ترا اقبل بعد شيبي انا اقبل بس امرني
اكون بحاضرك موجود اناظر فيك جلاسك
واذا عاش القصيد بداخلي والحرف جاورني
اعيش بمملكة حبك اغازل فيك اخلاصك