غاب السعد - علي الجهامنة
غاب السعد من دنيتي واظلم البيت
واحترت انا باهل الوفا من قهرها
عضيت انا نابي من القل عضيت
والنفس ملت يا هلي من صبرها
وابني وحيدي في عيونه تمنيت
كل الفرح ينتاب عيني وبصرها
همي كبير وجيت يوم استهميت
اطنب على اللي دوم يطفي شررها
شديت قافي لبو متعب وعديت
هموم بيتي والعيال وخبرها
يا مسقي العطشان يا كاسي البيت
يا اللي ملكت من النعايم دررها
ما جاك قاصد ونت عنه تخليت
ما تترك العطشان يشرب كدرها
يا من ملكت الطيب للطيب اعطيت
اسمن جديد ما بغيرك نظرها
يا بو اليتامى والارامل لكم جيت
من بعد طوله في سنين وعسرها
كثر الطلايب للمخاليق مليت
كيف الوفا والحال عندك ذكرها
يا خادم البيتين للناس خطيت
درب المعزه فالبداوه وحضرها
يا مكسي العريان وبالناس حسيت
يوم الجمع يكفاك نار وخطرها
يا مطعم الجيعان للجوع رديت
واكفيت من يمناك دنيا وغدرها
عز ومهابه بالمماليك خطيت
رايك على كل الخلايق جبرها
شورك على حكام وملوك حطيت
يمشون بدروب المهابه واثرها