خليج العقبة - علي الجهامنة

كنت اضن البحر واسع كنت اضن الموج غير
كنت اشوف المينا اكبر والشواطي مستديره

شاشه كذابه خذتني للخيال وصرت طير
حلّقت فوق المياه الزرقا بجناحن صغيره

والحقيقه من وصلت حدود هالبحر الخطير
عذبتني شوفة ايلات المدمر باوهامي الكبيره

عذبتني يوم قامت للسفر تنوي المسير
حامله الصنع اليهودي والمدافع والذخيره

اتعبت والله اتعبتني قصة الشاطي المنير
وارهقتني هالمباني والعمارات الكثيره

قمت اهوجس في خيالي يا البحر وين السفير
وين اركان الحراسه والسفن قلبي فحيره

يا الخليج اللي عشقته من متى صرت الاسير
من متى تبكي عيونك جيرة كلاب سعيره

يا اله الكون عفوك رحمتك ماني بخير
القدس بيد اليهودي يشتكي يااامن يجيره

والعرب صاروا أذله ما نجد فارس مغير
في حضن بوش المقدس تلقى بغداد الاميره

ما بقالي يا الاهي الا بابك استجير
تبعث الهمه فربعي في مصر واهل الجزيره

فاليمن واهل العراق وشامنا شيخ وامير
والجزائر واهل تونس والامارات المنيره

يا بحر لو في اراده والقلب بعده بخير
ما قبلت ان الشواطي تبقى للغاصب اسيره

جيت انا مبصر ولكن ارتجي ارجع ضرير
حزني في قلبي قتلني من بحر فاقد اميره