الا باسم الذي انعم عليك - علي الجهامنة

الا باسم الذي انعم عليكي بنت للهيثم
اسوق من الشعر ابيات اضمنها دواويني

اسجل قبل اعجابي حروفي قاصد الاكرم
اله الكون يا رحمن يا جبار تحميني

تحيه من خفوق اللي عليل ونبضه المسلم
ابا ارسلها واسجلها عبر ابيات تطريني

ولا اقصد بهذا الكون مكانن جاهلن مظلم
ابيها تكون ابياتي الى الاحباب تهديني

عرفت الفقر من صغري وجاني فاتح المبسم
يبشرني بعذاريبه يقول ابشر يناديني

عرفته ما عرف قدري ظلمني وقام يتالم
بلاني بالمرض واهدى تصلب في شراييني

عطاني سكري بالدم عطاني ضغط ما يرحم
عطاني ذبحه في صدري ولا يقبل يواسيني

جلست فبيتي ما ادري نهاية حال واتكلم
مع اللي رافق الخافق اماشيه ويماشيني

ابا اصرخ لكن الصرخه بلا عنوان تتقدم
ابا احلم بالفرح ياتي ولكن ضاعت سنيني

ابي شخصن بكل احساس اذا جيته يقول اسلم
واذا جاني يقول ابشر واذا جيته يراضيني

ابي من عالمي واحد احسه لو يبي انعم
ابي في دنيتي ساعه ولا تحرق وتكويني

بريء وحاجتي راحه بسيط وصاحبي هالهم
وحيد وفاقد احبابي ولا واحد يراعيني

ولي قلبن على الفرقى ضعيف وعايشن بالغم
دواه من الدوا حفنه ولا عنده امل فيني

لاني صرت مترجي ختام بعمري المعدم
عسا الله يرحم قليبي بجنه ونور يكسيني

وعسا عمرك يكون بجد ضعف عمري ولا يعدم
وعسا ايامك هنا وسرور دعا يا بنت من ديني

بعد ردي ابي كلمه عليها اسمك بلون الدم
ابيها تنشر البسمه على حرف ودواويني

ولي بالخاتمه دعوة ولا تنعد بكم وكم
صلاة الله على محمد نبي الكون هاديني