من خافي - علي الجهامنة
إلى علي علوي :
من خافي اللي بين الاضلاع موجود
والخاطر اللي للنبض دوم ينقاد
برسل مشاعر تقطع سهول وحدود
والشوق فينا للاحاسيس وقّاد
يا الغانم اللي والفكر ليك مقيود
والحرف يوصف جود واخلاق الاجواد
يا الحرف سلم واقطع حبال وقيود
وصل سلامي ديرة الخير وامجاد
اللي حماهم كنّها حصون وسدود
دار ابو متعب خالية الشر واحقاد
ابدا السلام وسم بالله المعبود
واسال على اللي كنّه الاخ او زاد
اللي سكن ما بين لعروق وزنود
واصبح قريب القلب للقلب مسناد
بلغ تبوك اني على العهد مشهود
من قبل تاصل جدة الخير برقاد
سلّم على اللي ما بدا منّه صدود
وافي الخصايل للمخاليق ودّاد
شاعر وحرفه كنّه بروق ورعود
عز الله انه مالك القاف صياد
يغرف وبحره ماله حدود ممدود
والكل ياتي طالب القاف وراد