قالتلي تبيع احساس ؟ ! - علي الجهامنة
قالتلي تبيع احساس ؟ !!!
تبيع حروف ينتجها الم في الراس ؟
تبيع النفس يا غالي ونت حسّاس ؟
قتلتني
تعاتب قلبي المعلول ولا تسال
تمارس سلطة المسؤول وتتامل
ولا تعرف ابد حرمان ولا تقبل
تسامح فاقد الفرحه وتستعجل
حكمها
حكمت باعدام على شاعر
تضنه مهمل بنفسه ومتآمر
على حرفه على نظمه وبيتاجر
ولا همّه ابد ما همّه الاشعار وبيناظر
بقول
ابو الطيب على باب الملك سجّل تحياته
عطايا جت من الحاكم بدل لحنه وكلماته
وكذا مثله كثير من البشر نافس بساحاته
ما تاجرت يا بنتي ولكن همي يذبحني وآهاته
اقول لك سر
بعضنا باع لكن ما قبض لا فلس ولا درهم
بعضنا دوّر الشهره وباع الشاشه اشجانه ولا تالّم
وباع المطربه ببلاش لجل الحرف من نظمه بيتقدم
لكن مثلي يا حلوة جلس في البيت ولا تلفاز يتكلّم
انا شاعر
على وراقي جمعت حروف تبكّي الصخر لو يسمع
من الامي من احزاني من هموم الفقر عيني على مدمع
وبيتي يشكي من برد الشتا يا لخت وسقفه من المطر منبع
كيف الشعر يدفيني ويطعم ابني الجايع ويسقيني واتبضّع
ابيع اشعار
اجل والله ابيع الشعر واشري الخبز واداوي الجرح
وخلي ابني يشوف الفاكهه وياكل وبنت تاكل وتفرح
واداوي بعدها ما كان وهمي اطرده يا لخت ولا امزح
اذا جاني يقول تبيع ابيعه ما بقي مني ولا اشرح ..