لا راحل ولا باقي - وصفي الصبرات
تذكرتك صرخت وضج في جوفي دوي اصوات
حنيني واشتياقي والهوى والجرح باعماقي
تذكرتك الى من الدجى والبدر والنجمات
تمازج سحرهن يرسم لك الصورة باحداقي
ليا ذابت عيوني صمت وهامت تعشقك بسكات
سقيتك من نظر عيني ومات من الظمى الساقي
يا صمتي ويا صدى صوتي وضحكاتي وانا الونات
انا عقبك نحل عودي وصار الهم ترياقي
ياعطر السالفة وهمس الورورد ولهفة النسمات
يا نظم الولو والياقوت واللماس براقي
الا يا نشوة حروف القصيد ابوصفك بابيات
ولكني عجزت وعجزن الاقلام واوراقي
انا لا جيت اترجملك غرامي سكرت الكلمات
وانا وان قلت ابخفيها يجن جنون اشواقي
تذكرتك نسيت ان الغرام اللي جمعنا مات
نسيت ان الليالي طبعهن جماع فراقي
رحلت ابعد من الغربة غريبٍ والمدى خطوات
توادعنا نسيت اني لا راحل ولا باقي