طاش طيش - وصفي الصبرات
طاش ياما طاش طاش وطاش ياما طاش طيش
وطاش ياما طاش طاش وطاش ياما طاش طاش
يا شباب العرب تكفوا لا تدانون الحشيش
الحشيش اللي وصل حتى يد الطفل ابلاش
الحشيش اعني الحشيشه أي نعم سم الحنيش
يجري بدم المحشش لين يرديه النعاش
ذا مخطط من بني صهيون ما وده نعيش
وده بيوم التلاقي يلتقي ناس هشاش
وده انا نستبيح السم عادي ما عليش
مثل ما يوم إستبحنا التتن قلنا ما علاش
قال كيف كيف ايش وليش كيف وكيف ليش
يذبح المسلم بيد المسلم بلاية رعاش
لو خذاه الجحش يمشي ما وقف وان قيل هيش
إبله خبلٍ بليد والاذاني بإنطراش
يحسب انه طايرٍ طاير وهو كبر الكديش
طير ولا له جناحينٍ ولا له من رياش
ما سمعنا ذات يومٍ ان طيراً دون ريش
طار حتى صار فوق المزن من دون إندهاش
ايش ياخي ذا الخبال اللي ترس ذا الروس ايش
العدو ينهش بنا وحنا عطيناها طناش
إن في بغداد جيشاً مثل ما في القدس جيش
جاء حتى يسقي الذل النفوس بلا نقاش
إن تعش حراً فعش ليس عيش الذل عيش
عاش من مات شهيداً في سبيل الله عاش