كان بي عقل وطار - وصفي الصبرات
يامراد الحق على وصفي ترى ماهو بخير
آه يالظامي خويك كان به عقلٍ وطار
ماطلبتك مستشير ولا نخيتك مستجير
خلني يا شين تكفى ما هي بغاره وثار
من بنات الحور مدري لكن الشي المثير
شفتها ما بينها وبيني حجاب ولا ستار
قالت اسكن في ديار ٍعن ديار الانس غير
مرهف الإحساس وانسي بالهوى كل الديار
علمتني كيف أحب وكيف احن وكيف أغير
وإرسمت لي كوكبٍ دري من حوله مدار
مستديرٍ ما يشابه أي شيٍ مستدير
كل ما حوله تجلى لي وبالنور استنار
تحفةٍ فيها يتوه الوصف والواصف يحير
درتينٍ في محار ودرتين بلا محار
اجتمع حب البرد مابين جمرات السعير
صاروا الندين فتنة جنةٍ في وسط نار
فوق روضٍ من بنفسج ناديٍ فاح العبير
انتثر ليلين فرق شملهن نور النهار
انتشى العاج ونبت لي في مروجٍ من حرير
برجوازي الشموخ وارجواني المثار
واحةٍ حالي رطبها ناضج ولاهي هجير
عذبة الما باردٍ كنه نبع من جوف غار
همسها نسمة صباح وصمتها نشوة أثير
ضحكها غيمة مصيف وصوتها غردة كنار
مشيها مثل الغدير العذب جذاب الخرير
غصنها مياس نامي شامخٍ وسط الخضار
لاوقَفت كل الزهور ليمها راحت تسير
وإن مشت تاقف لها ثملة على جال المسار
ما رماني غير رمشٍ كنه السيف الشطير
ولا سباني غير جماع البياض مع السمار
يامراد الله يعين اللي عشق والله يجير
عقل وجنون إشعرة مع دمعتين وإنكسار
في نهايتها صديقي يا عسى تبقى بخير
وإلا أنا من أولتها كان بي عقلٍ وطار