ياقع في شباكه رجال الشجاعه - أبو دخيل المزروعي

مشيت في جوٍّ تراكم غيومه
وأخذت لي في صفوة الجو ساعة

أدير عن قلب المولع همومه
براد ما هو من مكيف صناعه

وشاهدت فيه اللي ينفح هدومه
لا شافه العاشق يزيد التياعه

وأنا الصويب اللي رمتني سهومه
والقلب ودّعته بحبه وداعه

إلياذرف دمع الشقي من يلومه
ما له على طول الصبر استطاعه

الله يا بحر الهوى من يعومه
ولا كل من عشق الهوى فيه ناعه

يا كم هانت له نفوسٍ حشومه
ياقع فشباكه رجال الشجاعه

أحدٍ مريح القلب يا حلو نومه
وأحد السهر والهم عنده طباعه

وأحدٍ كبير الجسم مالي هدومه
وأحدٍ تشوف الود حاني ظلاعه

وناس فيها الحب باين رسومه
ومن الأسى ما عاد عنده مناعة

يوم اعترض لي مفتكر وش علومه
الموت شفته حين لمحت ذراعه

سهرت حتى الليل غابة نجومه
وحتى شعاع الصبح باين شعاعه

وقعت مابين القلوب الرحومه
ورحت ما بين الثلاثة شلاعة

أحدٍ زعل منّي وصارت خصومه
وأحدٍ قتلني بالخجل والدلاعه