جاني المكتوب - أبو دخيل المزروعي

جاني المكتوب من مصدر عداله
جابه اللي كل ما جوبٍ يسدّه

الكلام اللي يهيظني مقاله
من رجالٍ من يعاديها تضدّه

من سلاسل روق أهل رفعة وطال
من قديم الوقت في لينٍ وشدّه

قصرهم مشهور ويظلل ظلاله ظلاله
مشتهر بين العرب باسمه وبدّه

صاحبي يشكي ولا أدري وش بداله
والليالي تدور دايم مستجدّه

يشتكي والله عليم بكل حاله
والصبر فيه الفوائد كل مدّه

لا تعاند وقتنا تدرج لياله
بعد كل إقفايةٍ للوقت ردّه

الوفاء ما زال فاصحاب الرجاله
ما يغرّ الدرب من وثّق مشدّه

الوفاء عدٍّ ولا يغريك لآله
لا وردته ضاميٍ يرويك عدّه

كبّ هزل الناس لا تقرب مجاله
والنظر يمّه حذاري لا تلدّه

الوفاء تلقاه فرجال الجماله
من معين الطيب دايم مستمدّه

والشهر معروف من مطلع هلاله
وانتبه ما كل عود يفوح ندّه

ذا الجواب ويا عسى صبنا مناله
.ويا الشريف عماد خذ ردّي و ودّه

سلّمه شيخٍ حميداتٍ خصاله
لا نصيته سلّمه ردّي بيدّه

الصديق اللي تمنينى قباله
يشهد الله ودنا هذا و ودّه

ناصر القاضي ولا نبغي بداله
من رجالٍ فاللوازم مستعدّه