لحظه - جمعة بن نايم الكعبي
لحظه قبل بس لا تمشي أبا أهديلك
هذي القصيدة عسى تعجبك ذكراها
يمكن مع الوقت تذكرني ويطريلك
بس إفتح الظرف هذا شوي وإقراها
ما راح تخسر سوى تنشيف منديلك
خايف يعذبك في التفسير معناها
بتشوف حرفين أول حرف يعنيلك
والثاني إتراه يعني لي في مغزاها
وفي السطر لول تلاقي بيت يحكيلك
يقول لك عن جروح الحب ودواها
والثاني إحروف إسم فيه تدليلك
والثالث وعود قبل العام قلناها
والرابع إتراه كلمة سر توصيلك
هي أربع أعداد والخامس في مبداها
وباقي القصيدة لزمها بس تحكيلك
وإن كان صعبت عليك إرتاح وانساها