يا دار - جمعة بن نايم الكعبي
يادار وين اللي أحبه وأداريه
وين الذي تحيى حياتي بشوفه
وين الذي يادار قلبي يسليه
عقبه غدت يادار الأيام عوفه
ماحد لفاني بالخبر جاب طاريه
عييت كثر أسأل ونفسي شغوفه
بين الرجا واليأس أوقف وأناديه
عل وعسى ياخذ فوادي يروفه
مشتاقله بالحيل يادار وأفديه
لو مرة ف العمر تسمح ظروفه
ودي أحطه في عيوني وأغطيه
ودي أترجم نبض قلبي حروفه
مايعيضني في دنيتي غالي فيه
لو هالزمن حكم وجارت صروفه
أصبر وصبري عذبتني لياليه
أبكي على وقت مضى بالحسوفه
للوقت بسمة وبسمتي يوم ألاقيه
لو في ديار بعيد ودي ألوفه
من ماجرالي يكفي اليوم أبكيه
وإن جارت الأقدار قبري يطوفه