قسمت القلب - خليفة بن راشد الوالي
لك جسمت القلب عندي بالتساوي
نص أنا أحيابه ونص الكم هديه
لا ترد الي هداكم نص ضاوي
لا ترده دام فينا الشمس حيه
خايضن بحر المحبه بالعماوي
قبل لا أسرد حروف الأبجديه
من زمن فيه البلا غير البلاوي
والمداوي اليوم سمه من خويه
خذ دوا للجرح من شخصن مداوي
واترك العراف وأكفوفه الخليه
أحلف الله ماجنى بالكذب عاوي
غير هم وعار من رب البريه
الزمن هذا عزاوي في عزاوي
ما يثيبك غير قلبن به حميه
في اليبل راحه وحمر البيد ناوي
لب داري جان زارتنا المنيه
راح زايد والهقاوي كالهقاوي
مزهرن والله حبه كل فيه
منه أخذنا الحب وأسرار الخباوي
وصار باطنا وظاهرنا سويه
والمحبه ان وجب تبغي فداوي
خذ بقايا النص من قلبي عطيه