الجواهر - خليفة بن راشد الوالي

شفت الجواهر يالغلا فوق
عقدن جماله بالسما يلالي

ما رصغه صايغ وله ذوق
إنسن ياغير الصايغ الوالي

أبدع اله الكون للموق
سحر الجمال وصار يحلالي

كل مانظرته قلبي يفوق
ينبض بأسمه أول وتالي

الروح تتبع قلب مسروق
صوب الجواهر فوق فالعالي

حتى عنان الفكر مطلوق
سرحان ماله حدن يسالي

أعشق دروب الحب وآتوق
صوبه وأنا مخلابيه خالي

قلبي كسير وزاده العوق
يومن لقيته وراح متعالي

كني إندفنت وصرت مدقوق
طاحت عليه جبال تنهالي

دام الجواهر عقد معشوق
الصبح يخفي العقد في بالي