الرمش الكحيل - خليفة بن راشد الوالي
شفت العيون الدعج والرمش الكحيل
ياكم ذبحني سل سيف أهدابها
من يوم وادع كن روحي تستميل
إلصوب عيني وإشخصت لأربابها
هو راعي الخدين والشامه تميل
من فوق شفه عالشمال إحسابها
ماحد مثله في جماله له مثيل
هو لي ورث يوسف وسجنه صابها
وانهل دمعي بحر من مزني تسيل
مادام حزني هو سبب سكابها
لين إستوى صبحي مساء والليل ليل
صارت حياتي في ظلام أسبابها
قلت إسعفوني قبل لا أصبح قتيل
وأموت دون أشوف زول ثيابها
رد النظر إن كان وصلك مستحيل
بمحي حزن وأشكر مرض لي نابها
آهات قلبي لو من النوع الثقيل
أكيد في يومن بطوف أعتابها
وكتاب ربي يشفي القلب العليل
يغفرخطايه ثم روحي ثابها
وأسكن في دار الخلد مع خير النزيل
جنه وحولي حور ماحد عابها