كاتمين النور - خليفة بن راشد الوالي
هاج بي جاشي بتوهيجي
موج طامي هايج هياجه
من محيطي كاسر القيجي
لين موجي زادت أفواجه
لو مهاجي طف بي ضيجي
جان موجي غرق أمواجه
لي مشى جيشي من الويجي
رد جيشه خوف ل أدراجه
آزم بصدره تدجديجي
وانحبس في داخل اسياجه
من حماقة هالمطافيجي
كاتمين النور وأسراجه
ينشرون الكذب ترويجي
خاب بين القوم رواجه
والشجاعي دايم ارفيجي
فوق راسه معتلي تاجه
ساكنن لي في معاليجي
صار دمي دوم يحتاجه
أشكر الله كل ما افيجي
وأحمده في شغلن وفاجه
لي كشف لي السر تدريجي
ثم فتح لي غلج مزلاجه