الناس فيهم ذا وهذاك - خليفة بن راشد الوالي
برسل رساله عبر لسلاك
مضمونها قلبي يناجيك
سحابتن اتضل ممشاك
وتهل في دارك واراضيك
الناس فيهم ذا وهذاك
حدن وحد وحد يعنيك
ناسن تعزك تبغي رضاك
وناسن تموت بهم تجافيك
وناسن تذكرك خوف تخشاك
وناسن ولاتعرفك تغليك
وناسن على طاريك ترجاك
غاية مناها تلتقي فيك
وناسن هدفها تسمع نعاك
وناسن اذا صديت تبكيك
ياقلب دامه الحق منصاك
بوصيك دامه حق بوصيك
واحد شرى في الكون ممشاك
لالا تبيعه دام يشريك
كل ماطلبته قال يفداك
واليا بغيت الزود يعطيك
مدت يمينه كف يمناك
تدفى على لمسة اياديك
هذاك لي عالدين هذاك
شربك على ايده تشربيك
هذي نصيحه عبر لسلاك
خلك رحوم بشخص يغليك !