المرعدي - خليفة بن راشد الوالي
المرعدي ينعش مهاظ المحبه
دام الحيا يروي قلوبن محيلات
حور السما فرت على الأرض عشبه
حتى أصبحت كل الأراضي عشيبات
من يوم شفته حرك الماء وخبه
حتى اطفحت كل العيون الخفيات
ثم طحت فيها كنني وسط غبه
غمري بها غرقان مالي ملاذات
فجأه انتشلني قبل موتي بسبه
وتعلقت فيه الجوارح والاآهات
ان ما خطى وصفي على من أشبه
كنه أخذ لأملاح وسط المحيطات
ثم ذر ذاك الملح بمهب هبه
لين اعتمت عين الحسودين بالذات
لكن شوق الحب صعبه مهبه
شروى العواصف تاكل القلب بسكات
قالوا دروب العشق فوقه مطبه
لين اعتثرت وغرز سعيد هيهات
هذاك يلعي من مصيبه تصبه
وهذاك يسهر حارب النوم مابات
وأنا من الاشواق باني مشبه
قلبي حطب ما ينهمد لو بلحظات
ذنبه عذنبي وذنب ذنبي عذنبه
ان كان شعري زاد شوق الخوندات
يا الله تغفر ذنب عابد لربه
طاح بعشق راعي العيون الكحيلات
المرعدي ينعش مهاظ المحبه
دام الحيا يروي قلوبن محيلات