لا تحاربني - خليفة بن راشد الوالي
حبيبي لا تحاربني ! حرامي!!
لذيذ النوم ودعني وجالك
انا الي فارق عيونه المنامي
انا الي شل تفكيره خيالك
غرامي تاركني في غرامي
وانا الي حط في باله حلالك
نكست أعلام عالين المقامي
وانا توني في درب الحب سالك
انا المظلوم والسبه عمامي
ظلايم كلها عقب احتلالك
انا المحكوم ظلم(ن) بالعدامي
وكل هذا عشان ابغى وصالك
أباك تدقق أرجوك بكلامي
وصيه تاخذ المعنى فبالك
اباك تزور قبري باحترامي
وتنثر وردك الذابل كذالك
انالي مت من دون المحامي
يجيلك ظالمن في ليل حالك
يا كيف السلم من غير السلامي
ودوم الحرب تجلبنا المهالك!!!