كسيت الهم - خليفة بن راشد الوالي

كسيت الهم في حصنن منيعي
أخاف البرد ينشر للوسيعه

مدام الواش عايش للمشيعي
أقول أحفظ همومي لا يشيعه!

ببش الويه كني في ربيعي
وأنا في قيظ ما حد يستطيعه

وكم غيري نشر همه مذيعي
وقال احذر مقالك لاتذيعه!!

زمننا عاكس الوضع الطبيعي
وكم حارب زمنا مالطبيعه

وكيف الحرب تبدا بلا طليعي؟
وحد يكسر جيوش أول طليعه!

رجال أشكالهم مثل الرضيعي
وحد غير الدبش ياكل نفيعه!!

ونسائن علمهن أصبح فجيعي
تبيع العرض! كل شين تبيعه

بسلي الخاطر بقول الشفيعي
وقول الرب في صدري وديعه

وأنا في شف ربن مستطيعي
خلقنا كلنا وواجب نطيعه