كم نتأمل - خليفة بن راشد الوالي
يا جناح الوقت من ترحل
وش يفيد المرتحل زاده
في سهام الحر متجول
حر و برد وحري ازياده
هكذا الدنيا يلي تسأل
فوق زندي عل وعياده
مالشهايد ماخذ الأول
والملا للباب رداده
كم صغير أفعاله اتجمل
وكم كبير(ن) ظره اعناده
كم وكم وكم نتأمل
لابسين بصمتنا قلاده
حد يقول الوقت متحول
وحد مايرظى على العاده
وحد يعجبه يكون متسول
وحد يغدي كلب ل الساده
كم ! وحد ! ولي متى نعقل؟؟
والصدى مافادنا اصداده
من يقول الوقت متبدل
بالاراده ايعلم أولاده!!
وانت يا حمدان يالمخول
هالزمان ايزيدنا اجلاده
الفعل ما مثلهم بفعل
ولا يفيد القول هداده
خلك بشرع الله مكمل
تكتمل دنياك بأسعاده
والحروب المهلكه تحصل
والذيابه صوتها اقناده
وانت ذيب وذرب مالاول
ياك قولي وفكك اقياده
ومع جناح الوقت انا برحل
وانت خير الزاد لبلاده